| 我登我的舊同事終於離開我的舊公司而開心，相信我，你沒有下錯決定。踏出去，才有更好的地方等著你。 另外，我都要幫艾力加打打氣，希望你可以爭取到去日本做野，到時我就可以R你地方住!!!! 下個星期知道B仔有幾多，好緊張。又要開始朝9晚10的返學生活...身心都很疲憊...告訴我，這一切是值得的。 比比要8月先返.....如果B仔好...可唔可去多一個豪華團呢.. |
| |
| 好厭倦公司的糾紛，每日發生的事，直頭可以儲埋一齊拍一輯OL版的金枝玉葉!!一大堆人一定有個比較high-profile，一定比所有人排擠，其實有時都登她可憐，不過可以點，我只有在大家都唱衰佢的時候，做聽個個就算喇，雖然我也屈埋屈埋不少。要在大公司生存，要學懂找一個位置比自己，現在這樣就好了。我不希望做最top那位，我只想做好自己的工作而已。 我地的名古屋、世界遺產白川鄉之旅終於都決定好行程喇!!!!那....我要重申，我唔係睇完tvb先至想去，我3年前係日本讀書的時候已經好想好想去，想去買個隻sarubobo，想去睇合掌屋，想去高山飛驒，終於今年有平平平機票。好抵呀，閒時去都要3,4千，而家坐國泰1590+就成行，真係非去不可。儲錢大計稍稍延遲，不過無問題呀，有信心今年可以達到target!!! 而家苦惱緊我4月可唔可以跟埋去日本做seminar，在公我當然好想去喇，機會黎架麻!!!!又對客又對老細及同事。在私，我個兩張paper 4月就開始喇，走左一個星期，上少2堂，番黎就係mock，咁點去考呀........失預算呀......希望學honey話者，第一年唔會比我去喇!!! 我那盆放係國金太陽下，日日有陽光享受的荷蘭小叮噹，終於生左好多對手出黎喇!!! 
|
| |
| 生活很順利，找到新工作，身邊有好同事，工作有發揮機會，我亦相信現在做的事是有前途的，值得我投資時間心力。雖然遇到一些低潮，正因為有逆境，才讓我知道身邊有太多好事情。我容許自己唔開心左幾個小時，往後告訴自己要收拾心情，想一個解決方法，甚至換一個觀點角度，縱然不能改變事情的結果，也要讓自己走出陰霾。 最近常排在咀邊的一句話：機會只給予準備充足的人，你不會知道機會什麼時候來，你可以做的，就是等待機會時充實自己。當機會來臨時，讓人想起你的存在。 3月剛收到消息，我卷一PASS左!!!!仲有2份卷, i can tell everyone i am a professional too...^__^ 現在努力準備6月份的日本中部北陸之旅。白川鄉的sarubobo...你等我 |
| |
